ఈ పుట అచ్చుదిద్దబడ్డది
ఉమర్ ఖయ్యామ్
127
498
ఒకనిట్టూర్పున కెల్ల జీవితము నుద్యోగింతు నేనమ్మఁగా ;
నొకదుఃఖంబున కెల్ల సంతసము నుద్యోగింతు నేనమ్మఁగా
నొకటన్ నా శతజీవముల్ కలిపి యుద్యోగింతు నీ పాదధూ
ళికి వేడ్కన్ బలిసేయు నెయ్యమున వేలీలన్ సరోజాననా !
499
అరయ నానాతి ; వేదాంతి నగుదు నేను ;
వినను బాషండ వాదముల్ వీనులారఁ ;
గాని, నావంటి వెంగలివాని కీ ని
షేధములు కూడ వనుచు వర్జించినాఁడ.
500
నీ ప్రేమకొఱకు బాధల
నేప్రొద్దు సహింతు ; శపథ మిదె లయమగుదాఁ
కీ ప్రాణమున్న నీ విడు
నా ప్రాణాపాయ వేదనావళి కోర్తున్.
501
ఓ వగలాఁడి ! నీదు విరహోదధిబాధల డిందు మైకమం
దీ విధి నా విపత్తనెడు హీనపుబంటును నీ తురంగ మెం
తే వెసఁ గట్టివేసినది ; నీవిడు నేనుఁగు రాజు నడ్డె ; నే
నీ వదనంబుఁ జూచుచును నిల్వున నీరయి యుంటి నీగతిన్.
