ఈ పుట అచ్చుదిద్దబడ్డది
ఉమర్ ఖయ్యామ్
99
386
కాంత, నదీతటంబు, సుమకాండము, ద్రాక్షరసంబులందు నే
వెంతలభించునో కొనియథేచ్ఛ విలాసములందుఁ బుత్తు ని
శ్చింతగ నాఁడు నేడనక శీధువుద్రావుచునుంటి ముందు నీ
పొంతనె త్రావుదున్ బ్రతుకు ముందిఁక సాగినయంతకాలమున్.
387
నాహృదయంబులోఁగలదు నారులప్రేమ ; సుమాసవంబు నా
బాహులలోన నుండుత ; ప్రవక్తలు నన్నివి మానుమందు ; రా
యూహ పరాత్పరుం డిడకయుండిన నేనయి వీనిమాన నా
యూహ పరాత్పరుండునిడకుండుత మేయెడ నెన్నఁడేనియున్.
388
శీధువు చెంతనుండిన నిషేదము సేయకు ; మాహితాగ్ని కా
సాధులుచాల నీవెనుకఁ జాగిలమ్రొక్కఁగ వత్తు రీ ప్రపు
ల్లాధిక పుష్పసంచయ, మనంతఖగాళి కుహూకలస్వనో
పాధికమైన కాలమునఁ బాయఁగ న్యాయమె మద్య మీయెడన్.
389
మదిర యేచెలి నా కిడ మానెనేని
యింక కాలంబు నను గౌరవించు నొక్కొ ?
ప్రజలు మధుపానమును మానవలయు నండ్రు
నేను మాన నీశ్వరుఁడు మాన్పింపవలయు.
