56
ఉమర్ ఖయ్యామ్
220
శ్రేయము లేదు వాదములచేఁ జెడి రుగ్ణత సెందియుండు జీ
ర్ణాయువు నమ్మియీయిహము నందు నెవండుకృతార్థుఁడయ్యె ? మై
కేయము, తోయజాక్షుల వరించి వినూత్న విలాస సంపదన్
హాయిగఁబుచ్చు నొక్కక్షణమైన ఘనంబనియెంచు మెంతయున్.
221
పాడు ప్రపంచదుఃఖములపైఁ దెగ బూడిదఁ బోసివేసి పూ
బోఁడులతోడ మద్యమును బూర్తిగఁ ద్రావుచు సంచరింపుమే
నాఁడు ; "నమా" జదేల వ్రత నైష్ఠికకర్మ మదేల ? చచ్చి పై
కోడకపోయినట్టి నరుఁడొక్కఁడు వచ్చినజాడ యున్నదే.
222
కాలరహస్య మెవ్వరికిఁగాని యథార్థ మెఱుంగనీయ దా
యాలయమందునెందఱు "మహమ్మదయాజులు" వచ్చికూలి పోఁ
జాలిరొ ? యాయువన్న దొకసారిదె ; పోయినవారు మళ్ళి రాఁ
జాలరు ; మద్యపానవివశంబునఁ బుచ్చుము జీవితాంకమున్.
223
ఇదియె ప్రభాతకాలము చెలీ ! యిఁక నిద్దుర లేవ వేమి ? యీ
మదిరను ద్రావి పాడు మల మద్దెల మీటుచుఁ జూచు నీ సభా
సదులు సతంబుగారు ; మనఁజాలరు ; పోయిన మళ్ళిరారు ; సొం
పొదవఁగ నేఁగినట్టి నరుఁ డొక్కఁడు వచ్చెనె చెప్పు మంగనా !
