పుట:2015.391574.BHAKTIRASA-SHATAKA.pdf/541

530

భక్తిరసశతకసంపుటము

⁠

పార న్మ్రుచ్చిలి వార్ధి డాఁగఁ గని నీ వవ్వేళ మత్స్యంబవై యారక్షోధిపుఁ జంపి వేదసముదాయంబు న్వడి న్దెచ్చి యం భోరుడ్జన్మున కిచ్చినాఁడ వతఁ డామోదింపగన్ మాధవా.

⁠ 51

మ.⁠

అమృతంబు న్భుజియింప దేవదనుజుల్ యత్నించి మంథాద్రిఁ గ వ్వముగాఁ బన్నగరాజు రజ్జువుగ నొప్పంజేయుచు న్బాలసం ద్రము బల్మి న్మథియింప నీ వపుడు కూర్మస్వామివై యానగేం ద్రము నీకర్పరమందుఁ బూనితివి ధీరగ్రామణీ మాధవా.

⁠ 52

మ.⁠

అవని న్జాపను జుట్టినట్లుఁగ హిరణ్యాక్షుండు చుట్టంగ నీ వు వరాహాకృతిఁ దాల్చి యాదనుజుని న్బోర న్వడిం గూల్చి యీ భువి నీకొమ్మునఁ బూని ప్రోచితివి నీభూరి ప్రభావంబుఁ జె ప్పవశం బెవ్వరికైనఁ గాదు వికచాబ్జాతాక్ష శ్రీమాధవా.

⁠ 53

మ.⁠

అవిభేద్యాశయుఁ డాహిరణ్యకశిపుఁ డత్యుగ్రకోపంబుతో భవదీయాంఘ్రిసరోజభక్తవరుఁడౌ ప్రహ్లాదు బాధింప మా నవసింహాకృతిఁ దాల్చి రాక్షసుని పెన్వక్షంబు భేదించి భ క్తవరుం బ్రోచితి వీవ కావె దురితౌఘధ్వంస శ్రీమాధవా.

⁠ 54