పుట:2015.391574.BHAKTIRASA-SHATAKA.pdf/536

మాధవశతకము

525

శా.⁠

నీకంఠస్థలియందు వ్రేలుచు సుధీనిర్వర్ణ్యసౌరభ్యలీ లాకల్పద్రుమజేతలైన వనమాలావైజయంతీమనో జ్ఞాకారంబు లెదందలంచినను బుణ్యస్తోమముల్ వానికిం జేకూరుంగద తన్మహత్తులు మనీషిశ్లాఘ్యముల్ మాధవా.

⁠ 31

శా.⁠

ఆదుర్యోధనముఖ్యదుర్జనుల కత్యాశ్చర్యభీతిప్రదం బై దీపింపఁగ సజ్జనుల్ వినుతి సేయన్ విశ్వరూపంబు నెం తే దర్శింపఁగఁ జేసి యాసమయమందే తత్సభన్ వేడ్కనిం డౌదృష్టిన్ ధృతరాష్ట్రభూపతికి నీవందించితో మాధవా.

⁠ 32

శా.⁠

నీహస్తంబున నున్నశార్ఙ్గధనువున్ నిత్యంబు ధ్యానించినన్ దేహారోగ్యము గల్గు నందకముఁ బ్రార్థింప న్సమస్తాఘముల్ నీహారం బినదీప్తిఁబోలె నణఁగు న్నిన్ గొల్వఁగా భద్రసం దోహంబుల్ సమకూడునంచును దలంతు న్బక్తిచే మాధవా.

⁠ 33

శా.⁠

నీచక్రంబును సన్నుతించినను వానిం జెందరా వాపదల్ వైచిత్ర్యం బగునట్లు నీఘనగద న్వర్ణింపఁగా వానికిన్ దోఁచ న్సోకదరాతిభీతి జగమందు న్నీదుశంఖస్తవ ప్రాచుర్యం బొనరింప సౌఖ్యములు గన్పట్టుంగదా మాధవా.

⁠ 34