పుట:2015.391574.BHAKTIRASA-SHATAKA.pdf/534

మాధవశతకము

523

శా.⁠

భూనేతల్ ఘనగర్వయుక్తు లగుచున్ బోషింపకున్నా రిఁక న్మానంబౌనెడ సంతసంబు నవమానం బైనచోఁ జింతయు న్మానంబూని నిను న్భజించెద మదిన్ నాపైఁ బ్రసాదింపు మ య్యా నీవే గతి నీపదాబ్జముల నే ధ్యానించెదన్ మాధవా.

⁠ 23

శా.⁠

నీ వావిష్ణుఁడ వంచుఁ దా నెఱుఁగమిన్ నీరేజగర్భుం డొగిన్ గోవత్సంబుల నాలఁ దాఁచఁ గను గో గోవత్సరూపంబులన్ నీవే దాల్పఁగ నబ్బురంబు పడి వాణీజాని నీస్తోత్రముం గావించెంగద నీదుమాయ దెలియంగా శక్యమే మాధవా.

⁠ 24

శా.⁠

ధీచాంచల్యము దేవదానవుల కొందింపన్ జగన్మోహనం బౌచున్నట్టి స్వరూపమెత్తి యమృతం బాదేవతారాజికిన్ బ్రాచుర్యంబుగ నిచ్చి రాక్షసులకున్ రాకుండఁగాఁ జేసితౌ నీచర్యల్ మిగుల న్విచిత్రముగఁ గాన్పించుంగదా మాధవా.

⁠ 25

మ.⁠

ప్రకటంబై తగుమల్లయుద్ధ మరుదారన్ జేసి చాణూరము ష్టికులం బట్టి వధించినాఁడ విఁక దుశ్శీలాన్వితుం గంసునిన్ వికటాకారుని సంహరించితివి పృథ్వి న్నీవు గోపాలబా లకరూపంబున నున్న దేవుఁడవు నిన్ శ్లాఘించెదన్ మాధవా.

⁠ 26