|
వరపరిలబ్ధసారమృదువాక్కలితాతతగీతసాహితీ
పరిచయుఁడన్ భవచ్చరణభక్తుఁడ శ్రీకర రాజశేఖరా.
| 97
|
ఉ. |
సమ్మతి మీఱ నీశతకసారము గోరి పఠించుచున్నవా
రిమ్మహి వస్తువాహనమణీభధరారమణీయభోగభా
గ్యమ్ముల నొంది పొందికల నారవితారకమున్ సుఖించి ని
క్కమ్ముగఁ బుత్రపౌత్రులను గాంత్రు మహేశ్వర రాజశేఖరా.
| 98
|
ఉ. |
మంగళ మందు మానిజనమానితపాదసరోజ నీ కిదే
మంగళ మందుఁ గావ్యరసమార్దవగీతవిలోల నీ కిదే
మంగళ మందు చారుతరమంజులసత్యసుభాష నీ కిదే
మంగళ మందు సాధుజనమానససంచర రాజశేఖరా.
| 99
|
చ. |
హర గిరిజామనోహర సురాద్రిశరాస మహేశ సాంబ శం
కర పరమేశ్వరా గరళకంధర భూతపతీ మహానటా
సురగిరిచాప భూతిధర శూలి గిరీశ భవా మహేశ్వరా
పురహర దేవదేవ పరిపూర్ణదయాకర రాజశేఖరా.
| 100
|
శ్రీ రాజశేఖరశతకము సంపూర్ణము.