పుట:2015.390519.Shashamka-Vijayamu.pdf/84

84

శశాంక విజయము

సీ.⁠

తడవు చూచిన దృష్టి దాఁకు నం చని వాని,         సొగ సెల్లఁ దప్పక చూడ వెఱతు మొనగుబ్బ లదిమి క్రుమ్మినఁ గందు నని వాని,         లేఁతమేనును గౌఁగిలింప వెఱతుఁ దొడిఁబడ నమృతంబు దొలుకు నం చని వాని,         నునుమోవి గట్టిగా నొక్క వెఱతుఁ జెమటచేఁ జెలువంబు చిందు నం చని వాని,         నెనయుచోఁ గసి దీఱఁ బెనగ వెఱతుఁ

⁠

గీ.⁠

గాని యొకనాఁడు నావన్నెకానిఁ గాంచి కదిసి తనివార బిగ్గనఁ గౌఁగిలించి నునుఁబెదవి నొక్కి రతికేళిఁ బెనఁగి చొక్కి యేలుకొనలేక యీరీతి బేల నైతి.

⁠ 42

ఉ.⁠

అన్నము నిద్ర యం చెఱుఁగ నశ్రుజలంబులు నిల్పఁజాల మేన్ సన్నగిలెన్ దిటంబు చనెఁ జాల విరాళియు మీఱె నేమియుం గన్నుల కింపు గాదు త్రిజగంబులు లేవనునట్లు దోఁచె మో హెన్నతి మేనఁ బ్రాణములు నున్నవొ లేవొ యెఱుంగ నంగనా.

⁠ 43

శా.⁠

ఏవంకం జనెనో మదీయదయితుం డెచ్చోట నున్నాఁడొనే నేవెంటం బ్రియుమోముఁ గాంతు నిఁక నే నెవ్వారితోఁ దెల్పుదు న్నీ వవ్యాజపరోపకారవు గదే నెమ్మి న్ననుం బ్రోవవే పోవే వానికి నావెత ల్దెలుపవే పుణ్యంబు నీ కయ్యెడున్.

⁠ 44

క.⁠

అని వేఁడిన నత్తాపసి విను మేవగ నైన నీదువేడుకకానిం గొని తెచ్చెద మచ్చాతురిఁ గనవే నేఁ డనుచుఁ బల్కి గ్రక్కున వెడలెన్.

⁠ 45

మ.⁠

అతిమోహోన్నతి తారఁ బాసి శశి చింతాక్రాంతచిత్తంబుతో వెతతో వెన్కకు నీడ్చుపాదములతో విభ్రాంతభావంబుతో ధృతిహీనస్థితితో దృగంచలనము ద్వేలాశ్రుపూరంబుతో మతిఁ జింతించుచు నేగి యొక్కవనసీమన్ గుంజగర్భంబునన్.

⁠ 46

చ.⁠

శ్రమ గొనినట్లు మిన్విఱిగి పైఁ బడినట్లు గ్రహంబు సోఁకిన ట్లమితధనంబు గోల్పడినయట్లు ప్రపంచము గ్రుంగినట్లు చి

⁠