పుట:2015.390519.Shashamka-Vijayamu.pdf/83

వికీసోర్స్ నుండి
ఈ పుట అచ్చుదిద్దబడ్డది

చతుర్థాశ్వాసము

83


గరఁగించు నొకవేళఁ గళలయిక్కువ లంటి,
        మఱఁగించు నొకవేళ మెఱుఁగుమోవిఁ
బలికించు నొకవేళఁ బావురాపల్కులు,
        కులికించు నొకవేళఁ గొసరి నవ్వి
యానించు నొకవేళ నరిది మోమున మోముఁ,
        బూనించు నొకవేళఁ బురుషరతికిఁ


గీ.

జిగురువిలుకాని కైన నాసొగసుకాని
యొప్పు లే దన్న ముది మదిదప్పినట్టి
యీమగం డేడ నే నేడ యేడ కేడ
యేటి కీపోరు వీనిపొం దెవతె గోరు.

36


ఉ.

ఆడిక లైన నేమి మగఁడారడిఁ బెట్టిన నేమి చుట్టము
ల్వాడక యున్న నేమి సరివారలు నవ్విన నేమి కాఁపురం
బూడిన నేమి నాదగుప్రియుం డిలుఁ బాసి చనంగ నేనునుం
దోడనె పోవ నైతి మదిఁ దోఁపక పోయె నిఁ కేమి సేయుదున్.

37


గీ.

ఏకరణి నైన వానితో నెనయు టొకటి
కానిచో మేనిపై నాస మాను టొకటి
యింతయే కాక మగఁ డంచు నతనిమొగముఁ
జూచి సైరింప లేను త్రిశుద్ధిగాను.

38


చ.

అని యనిశంబు నెంచు మదనాశుగదుర్దినకుర్దనంబునన్
ఘన మగుమూర్ఛఁ గాంచు వగకానివగ ల్గణియించు నైజపుం
బెనిమిటి నీసడించు మదిఁ జెక్కుతలంపులు నించు వాఁడు వ
చ్చె నని తలంచు నెచ్చటను చీమ చిటుక్కనిన న్జలించుచున్.

39


క.

ఇటు లెంతయుఁ జింతింపఁగ
జటినీమణి యోర్తు బాల్యసఖి యింటికి వ
చ్చుటయును దత్పూజనములు
ఘటియించి రహస్యముగను గామిని పలికెన్.

40


ఉ.

నీవ యెఱింగి యుండుదువు నేనును జంద్రుఁడు నేస్త మౌటయున్
బూవును దావియు న్వలెను బొందుగ వాఁడును నేను నుండుట
ల్నావిధి పెన్మిటై యిపుడు నన్నును వానిని బాపె నే నిఁకన్
భావజుకీలికీల క్షణమాత్రము నోర్వఁగఁజాలఁ గోమలీ!

41