పుట:2015.390519.Shashamka-Vijayamu.pdf/85

వికీసోర్స్ నుండి
ఈ పుట అచ్చుదిద్దబడ్డది

చతుర్థాశ్వాసము

85


త్తము వికలత్వ మొంద మదిఁ దాలిమి డిందఁగ మేను కందఁగా
హిమకరుఁ డంతరంగమున నింతిఁ దలంచి వలంచి యిట్లనున్.

47


ఉ.

ఆతఱి బొంత చేసినటు లాతఁడు పొమ్మని వీడ నాడఁగా
నాతరలాక్షి చిప్పిలెడు నశ్రుల నప్పళించుచున్
దాఁ దలుపోర నిల్వ నయనమ్ముల నేఁ బయనమ్ము దెల్ప సం
జాతవిషాదయై యనుపఁ జాలనిచందము లెంచఁ గూడునే.

48


ఉ.

పొమ్మనినంత రాఁదగునె బుద్ధికి మోసము వచ్చె నప్పుడే
కొమ్మను వెంటఁబెట్టుకొని కొంకక వచ్చితి నేని నన్ను దా
నమ్ముని యేమి చేయు నొకఁ డడ్డమె యే నటుసేయమి న్గదా
ముమ్మర మైనకంతువిరిముల్కులకు న్దను వొప్పగించెదన్.

49


సీ.

తళుకుబంగరుకుండ తావిసంపఁగిదండ,
        వలపులసరణి జవాజిబరణి
పచ్చికస్తురివీణ బాగైననెఱజాణ,
        కల్కిమిటారి యంగజుకటారి
మకరందములవాక మదనశాస్త్రపుటీక,
        రతిచేతిచిల్క మర్వంపుమొల్క,
మురిపెంబులకు దీవి మరుదోఁటయెలమావి,
        నెఱనీటు కిరవు పన్నీటిచెఱువు


గీ.

ఎంచఁ దగుముచ్చటల కిమ్ము మంచిసొమ్ము
కాంతలకు నెల్ల మేల్బంతి కలువదంతి
మేటిరతులకు సురతాణి మించుబోణి
దాని కెనయైనచాన జగానఁ గాన.

50


క.

తారల గెలుచును నఖరుచిఁ
దారలతరళాక్షి రూపతారుణ్యములం
దారం జేయును మనసిజు
దారం జిగి మోవి పంచదారన్ గేరున్.

51


శా.

ఆమోమందము నాకనుంగవబెడం గామోవిసింగార మా
గోముంజన్గవగబ్బి యాగొనబునిగ్గు ల్మీఱునూఁగారుసౌ
రామించుందొడజగ్గు లానడలయొయ్యారంబు లయ్యారె! యా
భామారత్నముఁ జూచి చూడవలెనా పద్మాక్షి నిం కొక్కతెన్!

52