పుట:2015.386124.adhiqs-eipa-shatakamulu.pdf/91

సీ.⁠

ఆస్థానమందు విద్వాంసుల గని లేచి             మ్రొక్కులేయని వారమోహినులను దల గొరిగించి మెత్తని సున్నమును బూసి             బొగ్గుగంధమున బొట్టమర్చి చెప్పులు మెడఁ గట్టి చింపిచేటలఁ గొట్టి             గాడిదపైఁబెట్టి కాల మెట్టి తటుకునఁ గ్రామప్రదక్షిణం బొనరించి             నిల్చినచోటఁ బేణ్ణీళ్ళు చల్లి విప్రదూషకులగువారి వెంట నిచ్చి సాగ నంపించవలయును శమనపురికి మదరిపువిఫాల మునిజనహృదయలోల వేణుగోపాల భక్తసంత్రాణశీల!

⁠ 19

సీ.⁠

పెట్టనేరని రండ పెక్కునీతులఁ బెద్ద             గొడ్రాలిముండకు గొంతు పెద్ద మంకుబుద్ధికిఁ దన మాట సాగుటె పెద్ద             రిక్తుని మదిని కోరికలు పెద్ద అల్పవిద్వాంసుండు నాక్షేపణకుఁ బెద్ద             మూర్ఖచిత్తుఁడుఁ కోపమునకుఁ బెద్ద గుడ్డిగుఱ్ఱము తట్టగుగ్గిళ్ళు తినఁ బెద్ద             వెలయ నాఁబోతుకండలను బెద్ద మధ్యవైష్ణవునకు నామములు పెద్ద పెట్టనేరని విభుఁడు కోపించ పెద్ద మదరిపువిఫాల మునిజనహృదయలోల వేణుగోపాల భక్తసంత్రాణశీల!

⁠ 20

సీ.⁠

ఈడిగె ముత్తికి జోడుశాలువలిస్తి             కురుబ గంగికి జరీకోకలిస్తి కడియాలు కుమ్మర కనకంకు దీసిస్తి             పోఁగులు గోసంగి పోలికిస్తి

⁠