పుట:2015.386124.adhiqs-eipa-shatakamulu.pdf/92

వికీసోర్స్ నుండి
ఈ పుట అచ్చుదిద్దబడ్డది


పోచీలు చాకలి పుల్లి చేతుల వేస్తి
            దాని తల్లికి నూఱు దారబోస్తి
దాసరచ్చికి దేవతార్చన లమ్మిస్తి
            గుఱ్ఱాల యుప్పర కొండికిస్తి
ననుచుఁ బాత్ర మపాత్రము ననక యిచ్చి
చెప్పుకొందురు మూఢులు సిగ్గులేక
మదరిపువిఫాల మునిజనహృదయలోల
వేణుగోపాల భక్తసంత్రాణశీల!

21


సీ.

ఈనెగాండ్లంటరో యీండ్లను బగిసార
            సెన్నంగిసుద్దులు సెప్పలేరు
యేదగాండ్లంటరో యీండ్లింట పొగవెల్ల
            గొర్లాల బిగ్గెన గొసుగుతారు
కయితగాండ్లంటరో కాల్పంగటించుక
            చిన్నచ్చరము సేరు చెప్పలేరు
వాసివేలంట తమాసగా ఱొమ్మున
            దప్పెట వేసుక తట్టలేరు
అనుచు విప్రోత్తములఁ గన్నయట్టివేళ
మోటుమనుజు లనియెడి మాటలిట్లు
మదరిపువిఫాల మునిజనహృదయలోల
వేణుగోపాల భక్తసంత్రాణశీల!

22


సీ.

ఉండి యియ్యని లోభి రండకొంపను శ్రాద్ధ
            మైననేమి శుభంబులైననేమి
చండాలు వాకిట వండుకొన్నది యంబ
            లైననే మతిరసాలైననేమి
మాచకమ్మ సమర్త మఖపుబ్బహస్తచి
            త్తయిననేమి పునర్వసైననేమి
కులనాశకుండయిన కొడుకు దీర్ఘాయువై
            యుండిననేమి లేకున్ననేమి