పుట:2015.373276.Rangaraya-Charitramu.pdf/75

74

రంగా రాయ చరిత్రము

⁠

తెరవు బోరాదు మనకుఁ దద్దేశరాజ కార్య మెల్లను మేమె సౌకర్యపఱచి యర్థ మొనఁగూర్తు మిది ముఖ్య మనుచుఁ బలికి.

⁠ 125

మ.⁠

మన కత్యంతహితంబుఁ గూర్చిన జగన్మాన్యుల్సుమీ రావువా రనియు న్వారు కుటుంబసంగతులరై యచ్చోఁ బ్రవర్తిల్లువా రనియు న్వారికి రాచవారికినిఁ బ్రత్యాసక్తివైరంబు ము న్ననియుం దెల్పుఁడిచేసి యీవిషమకార్యంబు న్నివారింపుమీ.

⁠ 126

చ.⁠

అని నియమించి రావుకులజాగ్రణి పంచిన మంత్రివెంట మ ర్తెనుఁ డను జాతివాని నతితీవ్రముగాఁ దగు నుత్తరంబులె ల్లను లిఖియించి యిచ్చి కుశలంబుగఁ బొండని పంప నంత వా రును బయనంబు సాగి చని రుగ్రతరత్వరగాఁ జరించుచున్.

⁠ 127

తే.⁠

ఇట్లు చనుచుండ రాజమహేంద్రపురముఁ గదలి పెద్దాపురమున లస్కరు వసించె వారు కలియకమున్నె దుర్వారఘోర వితతచతురంగసైన్యసంగతము గాఁగ.

⁠ 128

మ.⁠

అటఁ బెద్దాపురిపట్టణంబుననె ము న్నావాసముం జేసి మీఁ దటికృత్యంబు కృతప్రయత్న మయి చెంద న్జాగ్రదాలోచన స్ఫుటవైషమ్యమనోవికారుఁ డగుచున్ జూపట్టుచున్ ఖానుఁ డ చ్చటికి న్వచ్చు టెఱింగి డెందమున హర్షం బందె రా జెంతయున్.

⁠ 129

తే.⁠

ఖానుఁ డచ్చట నిల్చి నిఖా యొనర్చె పోలునాఁ డాది యగు సర్వభూమిపతుల రాజ్యములు వారివారికిఁ బూజ్యఫణితిఁ దేరుగడ జేసి యిచ్చుచు ధీరమతిని.

⁠ 130