ఆత్మ చరిత్రము 518
మనసున నున్న యాశలటు
మాయములయ్యె విధిక్రమానువ
వర్తనమున మందభాగ్యమునఁ
దల్లికిఁ బాసిన బిడ్డ వైతిగా !
ఉ, ఒక్కొకవేళఁ బల్కు సమ
యోచిత వాక్యము లాలకించి నీ
చెక్కిలిదోయి ముద్దుగొని
చింతను బాసి ప్రమోద మందుచో
నెక్కడలేని నీదు బల
హీనపుఁ బుట్టువు నెంచినంత నే
దక్కుదువో యటంచు మదిఁ
దత్తరపాటు ఘటిల్లు నక్కటా !
17. దు:ఖోపశమనప్రయత్నములు (1)
పిల్లవాఁడు చనిపోయిన వెంటనే మేము మా బావమఱఁదితోఁ గూడి, వారి స్వగ్రామ మగు వెలిచేరు వచ్చి యచ్చటఁ గొన్నిరోజు లుంటిమి. బాలకుని మరణవార్త వినిన మాతమ్ముఁడు వెంకటరామయ్య, తన కప్పుడె గుంటూరినుండి వచ్చిన పిల్లవాని చాయాపటపుఁ బ్రతులు నాకుఁ బంపెను. వెనుక కొన్ని నెలల క్రిందట నాపరిచితు లొకరు గుంటూరిలో మాయింటికి వచ్చి, మా పిల్లవానిని గుర్చీమీఁదఁ గూర్చుండఁ బెట్టి, వాని చాయాపటము తీసిరి. దాని ప్రతులు సిద్ధముచేసి పిమ్మట నాకుఁ బంపెద మని యాయన చెప్పిరి. కాని, నేనాసంగతియె మఱచిపోయితిని. నాఁడామిత్రుఁడు దైవికముగ పటము తీసి యుండనిచో మా యర్భ
