పుట:2015.370800.Shatakasanputamu.pdf/35

     వరవుఁడనేఁ జుమయ్య బసవా! బసవా! బసవా! వృషాధిపా!100
ఉ. దండితవాదియై శివుఁడ దైవముగా కని కన్నులిచ్చి తా
     నిండు మనంబుతో నిలువు నిద్దపుఁగన్నులు దాల్చి పొల్చు మా
     పండిత మల్లికార్జునుఁడు ప్రస్తుతి సేయఁగ నేర్చు నిన్ను నె
     వ్వండు నుతింప నేర్చు బసవా! బసవా! బసవా! వృషాధిపా!101
చ. వసుమతిఁ బేరుకొన్న నరువత్తురు మువ్వురి కూర్మిబంట! షో
     డసుల సుతుండ! తేరసుల దక్కిన భృత్యుఁడ! వీరలాది గా
     నెసగు మహానుభావులకు నెల్ల ననర్గళమైన భక్తినన్‌
     వసిగొని ప్రోవుమయ్య బసవా! బసవా! బసవా! వృషాధిపా!102
చ. బసవ నిధానమా! బసవ భవ్యనిధీ! బసవామృతాంబుధీ!
     బసవ మహానిధీ! బసవ భర్మగిరీ! బసవామరద్రుమా!
     బసవ మహాబలీ! బసవ బండరువా! బసవోల్లసన్మణీ!
     వసిగని ప్రోవుమయ్య బసవా! బసవా! బసవా! వృషాధిపా!103
ఉ. నా యొడయండ! నా విభుఁడ! నా హృదయేశ్వర! నా మనోరమా!
     నా యిలవేల్ప! నా వరుఁడ! నా గురులింగమ! నాదు జంగమా!
     నా యదినాథ! నా వరద! నన్నుఁ గృపామతిఁ బ్రోవుమయ్య దే
     వా యమిబృందవంద్య! బసవా! బసవా! బసవా! వృషాధిపా!104