పుట:2015.370800.Shatakasanputamu.pdf/34

వికీసోర్స్ నుండి
ఈ పుట అచ్చుదిద్దబడ్డది

     వంగడమేఁ జుమయ్య బసవా! బసవా! బసవా! వృషాధిపా!96
చ. కొఱతను లేఁత పత్తిరియు గొడ్డునఁ బాలును రేయి జంగమం
     బఱిముఱివేఁడినన్‌ బడసి యా క్షణమాత్రన యిచ్చినట్టి యా
     మొఱటదవంక దేవునకు ముద్దుతనూజుఁడవైన నిన్ను నే
     వఱలఁగఁ బ్రస్తుతింతు బసవా! బసవా! బసవా! వృషాధిపా!97
చ. అనయము భక్తులీడ్యకు లటంచును వేదములా ద్విజోత్తముల్‌
     విన నుతియింపఁ గుక్కఁ జదివించిన హావినహళ్ళికళ్ళి దే
     వునకు ననుంగువాడవని యుత్సుకతన్‌ నుతియింతు భక్తహృ
     ద్వనజవిహారలోల బసవా! బసవా! బసవా! వృషాధిపా!98
ఉ. భక్తుని మ్రింగఁ జంప మును భర్గునకున్‌ జిఱుతొండనంబికి\న్‌
     యుక్తమెయంచు వారిపయి నొక్కట నుద్ధత ఘంట వ్రేసి యు
     ద్రిక్తత నొప్పఁగా నలరు దిట్ట హలాయుధు కట్టనుంగ! ప్ర
     వ్యక్తమ! నీవె దిక్కు బసవా! బసవా! బసవా! వృషాధిపా!99
చ. ధర నురులింగమూర్తి ధ్వజదండముగా మలమచ్చతోఁక (?) శ్రీ
     కరముగ భక్తికిం బడగఁగా శివుగర్భముఁ జొచ్చి పొల్చు మా
     యరి యమరాజుగారి పరమాప్తుఁడవైన మహానుభావ! నీ