పుట:సింహాసన ద్వాత్రింశిక (కొరవి గోపరాజు).pdf/548

ద్వాదశాశ్వాసము

487

క.⁠

అని వినయోక్తులు వలికినఁ గొనియాడుచు నిలిచి రాజకుంజర నీచే సిన యుపకారమునకు నే మని ప్రత్యుపకృతి యొనర్చ నర్హము మాకున్.

⁠ 104

చ.⁠

సకలకళాప్రవీణుఁడవు సజ్జనరక్షణదక్షిణుండ వం ధకరిపుభక్తిశీలుఁడవు దానవినోదివి సర్వభావభా వకుఁడవు విష్ణుమూర్తివి దివానిశముం గవిపాఠకార్థిగా యకనుతిశాలి వుర్వీపతి వల్పుఁడవా భువి భోజభూవరా!

⁠ 105

శా.⁠

నీ కేవాంఛయు లేకయున్న వినుమా నిన్నెవ్వఁ డీక్షించినన్ మాకిష్టంబు సరస్వతీవిభవ మామర్త్యుండు వేపొందు, వా క్ప్రౌఢుండై విలసిల్లఁజేసెదము భూపాలాగ్రణీ నీయశం బాకల్పంబుగ నొప్పుఁగాత జనలోకానంద మై సాంద్ర మై.

⁠ 106

సీ.⁠

కన్ను లయ్యును బండికన్ను లయ్యును జంద్ర         సూర్యు లెవ్వనికడ సొంపు గనిరి సుతుఁ డయ్యు రథముపై సూతుఁ డయ్యును సుర         జ్యేష్ఠుఁ డెవ్వనికడ శ్రేష్టుఁ డయ్యెఁ దల్పంబు నయ్యు నాకల్పంబు నయ్యు నా         గేంద్రుఁ డెవ్వనికడ నెన్నఁబడియెఁ బద మయ్యు మస్తకాస్పద మయ్యు నిరాశ         మధ్య మెవ్వనికడ మహిమ కెక్కె

⁠

ఆ.⁠

నట్టి యుభయమూర్తి హరిహరనాథుండు దేవదేవుఁ డిష్టదైవ మగుచు నెరయఁ బ్రోచుఁగాత నీకొల్వువారల భూజనేంద్రభూజ భోజరాజ.

⁠ 107