పుట:సింహాసన ద్వాత్రింశిక (కొరవి గోపరాజు).pdf/410

అష్టమాశ్వాసము

349

చ.⁠

విను మిటు భోజరాజ యొకవిన్నప మే నొనరింతు విక్రమా ర్కునిక్రియఁ బెంపు నీగియును రూఢికి నెక్కక యెక్కఁ జెల్ల దే మనఁ దగు నిన్ను నిచ్చలుఁ బ్రియంబున వచ్చెదు వచ్చి క్రమ్మఱం జనియెద వాశ మానవు యశంబును నేర్పును దీనఁ గల్గునే.

⁠ 129

క.⁠

అతని చరిత్రము వినఁగో రితివేని నృపాల యవధరింపుము నా కే చతురతయు లేదు తెంపున నతివకు నృపుసభల మాటలాడం దరమే.

⁠ 130

శా.⁠

నామాట ల్విన నిచ్చగింపు మతఁ డానాకేశుఁ డిష్టుండుగా సామంతార్చితపాదపీఠుఁ డగుచున్ సామ్రాజ్యలక్ష్మీకళా సీమంబౌ భుజసార మొప్పఁగ నయశ్రీమంతుఁ డాభట్టి ము ఖ్యామాత్యుండుగ నేలె నుజ్జయిని నిత్యం బైనసత్కీర్తితోన్.

⁠ 131

ఉ.⁠

ఆదివసంబులందుఁ బ్రజలందఱు సంతతుల న్సమృద్ధుల న్మోదము నంది సత్రములు మున్నుగ ధర్మము లాచరించుచు న్వేదన లేవియుం గనక వేడ్క మనంబుల నిండి యుండఁగాఁ బేదలు మూర్ఖు లల్పులను పేరును లేదు పురంబులోపలన్.

⁠ 132

క.⁠

నిలువు గలనీతి భట్టికి జెలికాఁ డనఁ బొలిచి బుద్ధిసింధు వనంగా వెలసినయమాత్యుఁడొక్కఁడు గలఁ డతనికి సుతుఁ డొకండు గ్రహిలుఁ డనంగన్.

⁠ 133

ఉ.⁠

ఆగ్రహిలుండు బుద్ధియు నయంబును శీలముఁ దప్పఁగాఁ బిశా చగ్రహదష్టుఁ డైన క్రియ సభ్యవిచారము పొందు మాని మి థ్యాగ్రహవృత్తిఁ ద్రిమ్మరుచు నాడఁగఁ జూడఁగ లేక యాత్మలో నిగ్రహ మంది తండ్రి సుతునిం దెగి తిట్టుచుఁ జాల దూఱుచున్.

⁠ 134