పుట:సింహాసన ద్వాత్రింశిక (కొరవి గోపరాజు).pdf/409

వికీసోర్స్ నుండి
ఈ పుట అచ్చుదిద్దబడ్డది

348

సింహాసన ద్వాత్రింశిక


డుత్సేకంబు మనంబునం బొదలఁగా నుత్సాహసంపన్నుఁడై
మాత్సర్యంబున భూమిఁ గొన్నరిపుల న్మర్దింప నేగె న్వెసన్.

121


వ.

అట్లక్కుమారుం డరిగిన యనంతరంబున నిజాయుధధైర్యసహాయుండును నసహాయశూరుండును నగు విక్రమార్కుండు.

122


ఉ.

సజ్జనదర్శనంబును బ్రసాదముఁ గల్లెఁ బరాభవవ్యథా
లజ్జల నగ్నిలోఁ బడఁదలంచిన చక్కనిరాజపుత్రునిన్
బుజ్జవ మేర్పడం గరుణఁ బ్రోవఁగఁ జేకుఱె నంచుఁ బ్రీతుఁడై
యజ్జయినీజనాధిపతి యొయ్యన వచ్చె నవంతిభూమికిన్.

123


వ.

ఇట్టి గుణాఢ్యుండు గావున.

124


క.

అవ్విక్రమార్కుసరి గా
కెవ్విధముల నింటి కేగు డిది తగ వనిన
న్నవ్వుచు నందుల కోర్కులు
దవ్వులుగా మగిడె భోజధరణీపతియున్.

125


వ.

మఱియుఁ గతిపయదినంబు లరిగిన.

126


ఇరువదియొకటవ బొమ్మకథ

క.

సింధుపతివైరిహితు సుర
సింధుప్రభవాదిచరణు సింధువిహారిన్
సింధురరూపాసురహరు
సింధుతనూజాత్మబంధు సింధురవరదున్.

127


మ.

హృదయాంభోజములోపలం దలఁచి భోజేంద్రుండు ధర్మార్థకో
విదులున్ జ్యోతిషు లాగమజ్ఞులును సేవింపంగ సొంపారు సం
పద పెంపొంద శుభగ్రహోద్ధరణలబ్ధం బైన లగ్నంబునం
ద్రిదివేంద్రాసన మెక్కవచ్చినఁ బ్రియోక్తిన్ బొమ్మ వల్కెం దగన్.

128