చతుర్థాశ్వాసము
159
నీమాటవాసి యెంతయుఁ
గామాకారంబు దెల్పెఁ గడపట మాకున్.
సీ. గొల్లచానలగుట్టు కొల్లలాడెడివేళ
నూరక యుండినయోర్పునేర్పు
ఇల్లాండ్రఁ బెల్లుగా మల్లాడునప్పుడు
దారిగా నుండినతాల్మిపేర్మి
రాధ స్వాధీనగా సాధించునప్పుడు
గెలుపుగా నున్నట్టియళువుసులువు
తక్కినచెలు లొక్కచక్కి నెక్కినతఱి
నిచ్చగా నగుచున్న యింపుసొంపు
తే. మఱచి పదియాఱువేలక్రొమ్మగువ లనఁగ
నెంత మఱి వారివద్ద నే నెంత వింత
వింతగా నింత కసరుట కొంత తగునె
మఱియు ననుఁ బాసిపోవు టేమాటవాసి.
ఉ. కంటికి ఱెప్ప గాచినవగన్ నను బాములఁ బొందనీక యె
ప్పంటికి నీవు ప్రోవఁ దగుభావము లన్నియు మాని నేను నీ
యింటికి వచ్చినా యెదుట నీవగ నిల్చిన సేవఁ జేసినా
బంటుగ నెంచ వేమి పగపంతములా కమలాయతేక్షణా.
శా. ఏలా గోపము లేల తాపము వితాయేలా విలాపంబు నా
పాలా జాలము లేల లోకమున నీపాదంబుల న్నమ్మితిన్
చాలా చిన్నెలు వన్నె లందఱుఁ గనన్ జాలా కటాక్షించి యో
బాలా చక్కెర లొల్కుపల్కుల ననున్ బాలించి లాలించవే.
సీ. తరుణి ని న్నిన్నాళ్లు మరునిచేచిగురాకు
గడిబాకుగా నెంచి నడుచుకొననొ
కలికి నీమెయిడాలు కామునిపడవాలు
మేగోలుగా నెంచి మెచ్చుకొననొ
