158
సత్యభామాసాంత్వనము
క. ఎపు డెపుడని మోహంబున
విపులాక్షులు వానిపొందు వేళలు గాచే
కపు రంత నీ వెఱుంగవొ
యిపు డెఱిఁగియు నీదుబుద్ధి యిటు లాయెఁగదా.
మ. నెన రౌవారల వీడనాడి తతివా నీతోడ నేస్తంబు చే
సినపాపంబున కేము తెల్పితిమి నీ చిత్తంబునం దోఁచిన
ట్లు నతాంగి నడిపించుకొమ్ము మముబోటుల్ నీకు నీ కేల వాఁ
డును నీవున్ చలపోరఁగా నవల నెట్లో కార్య మట్లయ్యెడిన్.
మ. చిగురాకుంజముదాడిపైని బడవేచెంగల్వపూఁదేనె గ్రా
లంగ నిద్దా తెలివెన్నెల ల్చొరఁగఁ జాలా యోర్చియు న్నీవెకా
తెగువ ల్చేసిన నీకె తప్పిదము తెందెప్ప ల్చెలుల్ వానికిం
జిగురున్ విల్తునికేళిఁ దేలి సొగసుల్ చెల్లించుకో నిమ్మహిన్.
మ. అనినం గాంతలచేత వీఁడు గద యిట్లాడించె నంచు న్మనం
బునఁ గోపం బుబుకంగ నీదువినయమ్ముం గంటిఁగా నంచుఁ బైఁ
టను లేఁగౌనునఁ జేర్చిచుట్టి చెలి యొడ్డారమ్మునన్ లేచి చ
క్కనిశౌరిన్ జడఁ గొట్టెఁ గంకణఝణత్కారంబు తోరంబుగన్.
చ. అటులు కృతప్రహారుఁ డయి యవ్వసుదేవకుమారుఁ డోరుపున్
దిటమును నేరుపు న్మెఱయఁ దీఱియుఁ దీఱనిచింతతోడ నం
తటఁ జిఱునవ్వుఁబువ్వుజడిదార్కొనఁ బేర్కొన వచ్చి గ్రుచ్చి య
క్కటికము నాసయున్ దొరయఁగా నయగారితనాన ని ట్లనున్.
క. జడఁ గొట్టి తీసితివిగా
జడయల్లిక నైన మెఱుఁగు చనదో తోడ్తోఁ
బడఁతీ చే నొవ్వదొకో
యిడుముల కే నుండ నీకు నీఁగా నౌనే.
క. ఏమే బంగరుబొమ్మా
నామీదను కరుణలేమి నాయం బగునే
