చతుర్థాశ్వాసము
157
బున నో రగపడఁ బెట్టుచుఁ
గనకాంగుల నుబికి చూచి కామిని యనియెన్.
క. ఎంచక మాటాడెద రీ
మంచితనమ్ములకు నేమి మంచిది చాలా
వంచకుఁడు మీ కొసంగెడు
లంచంబులు కొంచెగత్తెలా చెలులారా.
క. అనువుగఁ గనుగీటుచు నే
విన మి మ్మెనరేచి తాను వెఱచినయట్లున్
ఘనుఁ డితఁ డావలిమొగమై
వినివినమిగ నుండు నిట్టివితము లెఱుంగన్.
ఉ. వీనియుపేక్షయు న్మఱియు వీనిపరాఙ్ముఖభావమున్ బళా
మానినులార మీఁద నిట మ మ్మిఁక నేమి యొనర్చు వీనికిన్
వీనియనుంగుఁగొమ్మలకు వీనివితామొగమాటమాటకున్
వీనిపిసాళిచేఁతలకు విస్మయ మయ్యెను నేఁ జలింతునే.
శా. సొమ్ముల్ చేలలు క్రొవ్విరుల్ మణులు కాసు ల్మాకు నిం కేల వే
కొమ్మ ల్లేరె పదాఱువేవు రవి చేకోఁ గావున న్వారికిన్
సొ మ్మౌ నెన్న నితండు వీనికి నిలన్ సొ మ్మౌదు రాబోటు లీ
నెమ్మి న్మీరలు దెల్ప నేమిటికి నేణీనేత్రలారా యనన్.
క. స త్యటువలె ననఁ జెలువలు
ప్రత్యుత్తర మిచ్చి రపుడు పతికిన్ సతికిన్
నిత్యంబు నలుక గలుగుచొ
వ్యత్యాసము పుట్టకున్నె యదియు నెఱుఁగవా.
క. ఎఱుఁగక నీ వొల్లనియీ
వరవస్తువు లొరుల కొసఁగ వారికి నళుకో
హరికృప గలవా రందఱు
దొరసానులు గారొ కొనిన దోసం బగునో.