పుట:సకలనీతికథానిధానము.pdf/283

పంచమాశ్వాసము

277

సీ.⁠

అచట మాయావరుం డనుభిల్లపతితోడ         మైత్రి వాటించి తన్మందిరమున వసియించి యొకరాత్రి యశి పట్టుక మృగాంక         దత్తుఁ డరుగుచు నొక్క తస్కరునిని దాఁకి యెవ్వఁడవన్న తస్కరుండను నీకు         మిత్రుఁడ నయ్యెద మెలపుమనిన వాని మావటివాని వాకిటివానిఁగా         నెఱిఁగి కాముకవృత్తి నేగువాని

⁠

తే.⁠

వెంటనే యేగి యమ్మహీవిభునిభార్యఁ జండకేతుఁడు భూఘనచ్ఛిద్రమునను జారుఁడై పొందఁగనుగొని సరభసమునఁ జండకేతుని యింటికి జని విభుండు.

⁠ 128

క.⁠

ద్వారమునఁ గట్టినట్టి మ యూరము మెడత్రాడు విడువను జ్వలుఁడగుచున్ జేరెన్ భీమపరాక్రమ ధీరుండను మంత్రిసుతుఁడు తేజోనిధియై.

⁠ 129

ఉ.⁠

భీమపరాక్రమున్ సచివభీముని గాంచి మృగాంగదత్తుఁ డీ వేమిటి కిట్టు లైతివన నిట్లనియెన్ నృప నిన్ను బాసి యు ద్దామమహాటవిం దిరిగి దాహమునం గడుడస్సి శాల్మలీ భూమిజమూలదేశమున భూమిపయింబడి మూర్ఛపోయినన్.

⁠ 130

గీ.⁠

వృద్ధపధికుఁడొకఁడు వేగమ ననుఁ దేర్చి మత్ప్రయాసమెల్ల మదిఁదలంచి తగుల దుఃఖపడగ దైవికమునకని కథ వచింపఁదొడఁగెఁ గరుణవొడమి.

⁠ 131