పుట:సకలనీతికథానిధానము.pdf/282

వికీసోర్స్ నుండి
ఈ పుట అచ్చుదిద్దబడ్డది

276

సకలనీతికథానిధానము


క.

పారావతాఖ్యమునియునుఁ
బ్రారంభము విఘ్నమైన భ్రష్టైపోయెన్
వారును నొండొరువులకును
దూరంబై చనిన నృపతి దుఃఖాతురుఁడై.

123


క.

శ్రుతధియుఁడు తనకు మిక్కిలి
హితుఁ డెట వోయెనొ యనంగ నేతెంచనియెన్ (?)
క్షితివర నిను వెదకుచు నొక
యతివరుఁడగు బ్రహ్మదత్తుఁ డనుమునిఁ గంటిన్.

124


వ.

అతని కిట్లంటిని.

125


సీ.

పరమాత్మ నేవచ్చుతెరువున నొకకుంభ
        కారచక్రమును భృంగవ్రజంబు
వెలఁది గోఖురములు విషమునిర్గుండియుఁ
        తలమీఁది వేణుకాదండమునను
దేజంబు దశబాహుదీప్తసింహంబును
        గణనాయకుని బొడగంటిమనిన
భవము నక్రము భృంగపటలంబు బంధులు
        గొంతి మహామాయ గోఖురములు


గీ.

పాపపుణ్యంబులు విషంబు కూప నరక
మింద్రభూజంబు నాకమ హీనతేజ
మమృత మామృగవరుండు మృగాంకదత్తుఁ
డాభుజంబులు పదియు వయస్య సమితి.

126


వ.

గణపతిప్రసాదంబున మృగాంకదత్తుఁడు కామిని వరింపగలండని బోధించెననిన శ్రుతధి వాక్యంబుల గొంత దేరి తత్సహితుండై నర్మదకుం జని.

127