ఈ పుట ఆమోదించబడ్డది
శ్రీ
సుందరకాండ
సర్గ 25
1
రక్కసు లట్టుల అంకెలు వేయుచు
ప్రాణగొడ్డములు పలుక పరుషముగ,
జనకపుత్రి వేసరి పరితాపము .
పట్టలేక, ఒక పెట్టున నేడ్చుచు
2
పలికె నిట్లు రావణు కావలి క
త్తెల చూచుచు మైథిలి మనోవ్యథల
పొడిచి పొర్లి వచ్చెడి కన్నీళ్ళా
కట్టిన గద్గద కంఠస్వరమున,
3
మానవకన్యక దానవపురుషుని
భార్య కాతగదు; పాటించను మీ
పాడుమాట లెప్పాటను, తధ్యము
చంపి తినుడు నను చల్లారు వ్యధలు.
4
దేవకన్యలకు దీటగు జనకజ :
రాకాసుల మారాటములన్ బడి .
సుఖ మెఱుగక నిష్ఠుర దుఃఖార్తిని
పొగులుచుండె దశముఖు తర్జనలకు