సర్గ 24
42
ప్రఘస యనెడి దుర్జని యిటు లఱచెను,.
తాళనేల, ఇది కూళ , కరాళిక,
గొంతుపిసికి దిగ్గురనచంపి, చ
చ్చిన దంచును ప్రభువునకు చెప్పెదను.
43
సంతోషించును స్వామియు నందుకు ,
తినివేయుండని తీరుపుచెప్పును,
సందేహములే, దెందు కూరకీ
నసనస లంచును కసమస లాడెను.
44-45
అంత అజాముఖి ఆర్భటించెను, స
మముగ మాంసపిండములు పంచుడు, వి
వాదల కే నొప్పను, తెప్పింపుడు
చల్లని కల్లును, చవుల నంజుడును.
46
కడపట శూర్పణఖయను ఘోర ర
క్షిక వాయెత్తి వచించె, అజాముఖి
చెప్పిన ముచ్చట ఒప్పుగ నున్నది,
నాకు కూడ ఇది నచ్చిన పథకము.
47
కల్లుకడవ వేగమె తెప్పింపుడు,
సకలశోక నాశక పానకమది,
నరమాంసము తిని, సురను త్రాగి,న
ర్తించెద కుంభిల దేవతముంగల.
48
దేవజాతి పుత్రికల కీడయిన
సీత నట్లు హింసింప రక్కసులు,
ధైర్యమెడలి దుస్తర తాపంబున .
విలవిలపోవుచు వలవల యేడ్చెను.
6-4-1987
