అయోధ్యాకాండము
329
విడిచి పోయితివేని - వేగ నొక్కటియుఁ
జెడకుండు నీయభి - షేకంబు కొఱకు
యీ సంతరించిన - యిన్ని వస్తువులు
దాసి యాభరతుఁ బ - ట్టంబు గట్టుదురు
తనకిచ్చు వరములు - తప్పఁ గారాక
నినుఁజూచి యొకమాట - నేఁడాడలేక
యేమి సేయుదునని - యీచింతచేత
రామ! మీతండ్రి యా - రటము నొందెడును
యిది నిక్కమ"ను మాట - యెప్పుడు వల్కె
నదివిని యప్రియం - బను చింత లేక 2110
చిరధైర్యశాలియై - శ్రీరామవిభుఁడు
దొర వినఁ గైకేయి - తో నిట్టులనియె,
--: కైకతో రాముఁడడవికిఁ బోయెదనని చెప్పుట :--
“తల్లి! మిక్కిలి లెస్స - తండ్రివాక్యములు
చెల్లించితిని నార - చీరలుగట్టి
యిదె చనుచున్నాఁడ - యేను కానలకు
నదియేల ననుఁజూచి - యలరఁడీ రాజు
నాయెడఁ గృపయుంచి - నరనాథు మదికి
నోయమ్మ! సంతోష - మొందింపు నీవు
అకట! రాజట! తండ్రి - యఁట! నాకునట్టి
యకలంక చరితు వా - క్యము సేయుటరుదె 2120
మేలయ్యె నాకు నా - మీఁ దాన నీకు
వేళంబ భరతు నీ - వేళ రప్పించి
