328
శ్రీరామాయణము
యింగితంబెఱిఁగింపు - మెఱుఁగవు గాక
అకట! రాముఁడును రెం - డాడునా పనికి
యొకయెడనైననీ - యుల్లంబులోను
కలిగినమాట వే - గమె తెల్పు" మనుచు
నిలువ నాడినబుద్ది - నేరనికైక 2080
సత్యఋజుత్పాది - సద్గుణైశ్వర్య
నిత్యుఁడా శ్రీరాము - నిమ్మోముఁజూచి
"వినుము! రాఘవ! తొల్లి - విబుధాసురలకు
ననియైన యపుడు మీ - యయ్య నాచేత
బ్రదికి వరంబులు - పాలించె రెండు
మదిలోన నిన్నాళ్లు - మఱచియుండితిని
అప్పుదీరువుమని - యా వరంబులకు
నిప్పుడు పదునాలు - గేండ్లు కానలకు
నినుఁ బంపనొక్కటి - నేఁడు మాభరతుఁ
గని మనుపట్టంబు - గట్టుట యొకటి 2090
అడిగిన నిచ్చితి - ననిపల్కి నిన్ను
తడయక పిలిపించి - దాక్షిణ్యమొప్ప
తానాడలేక యీ - దశరథ నృపతి
దీనుఁడై యున్నాఁడు - తెల్పితినీకు
నీవును నీమాట - నిల్పి వంశంబు
పావనంబుగ తండ్రి - పలికిన పలుకు
సత్యంబు గాఁ జేసి - చనుము కానలకు న
త్యంత సంతోష - మందింపునన్ను
డాఁపనేమిటికి ? జ - టా వల్కలంబు
లీప్రొద్ధె ధరియించి - యీవు పట్టంబు 2100
