అయోధ్యాకాండము
305
న్యాయ నిష్ఠురములు - నయగారి వగలు
సేయుచు నన్ను వం - చింపఁ జూచెదవు 1510
యిచ్చెదవో లేదొ - యిఁక నొక్కమాట
యుచ్చరింపుఁడు రాముఁ - డున్నాఁడు నీకు
కౌసల్య యున్నది - కడమ వారేల?
వేసాలు చాలించి - వినఁ బల్కుఁ”డనిన
విని మహీపతి కోప - విహ్వలుం డగుచు
కనలుచు కైకేయిఁ - గాంచి యిట్లనియె.
"సుందరి! యొక రాక్ష - సుండు మీతల్లిఁ
బొందు నప్పుడు నీవుఁ - బుట్టితిగాన
నిజము కైకయ విభు - నికిఁ బుట్టవీవు
సుజనుఁ డాతఁడు నిన్ను - చూడంగరాదు 1520
కైకేయి! యమరలో - కమునకు నేఁగ
నాకడ నున్న పు - ణ్యాత్ములందఱును
లక్ష్మణాగ్రజుఁ గుశ - లంబు వేఁడినను
పక్ష్మలేక్షణ! - యేమి పల్కెడువాఁడ?
తాళుదు నేరీతి - తపములు చేసి?
చాల దక్షణ లిచ్చి - సవనంబు నెల్ల
కావించి కడపటఁ - గన్నట్టి కొడుకు
నేవగ నీకొఱ - కేఁ బాయనేర్తు
దారుణశౌర్యు జి - తక్రోధు మిగుల
నూరువుగలవాని - నుత్పలశ్యాముఁ 1530
గమలపత్రాక్షు రా - కాచంద్రవదను
నమలినమానసు - నాజానుబాహుఁ
గరుణాభిరాము జ - గజ్జనాధారుఁ
