పుట:శ్రీ ప్రబంధరాజ వెంకటేశ్వర విలాసము.djvu/97

వికీసోర్స్ నుండి
Jump to navigation Jump to search
ఈ పుట అచ్చుదిద్దబడ్డది

48 ప్రబంధరాజ వేంకటేశ్వర

వ. ఆ సమయంబున-- 73

సీ. జీవరత్నప్రభ జెలఁగు దివ్యవిమాన
పంక్తినాఁ దేరు దీపములు వెలుఁగ
ఘనపద్మరాగమకరతోరణములు నాఁ
దిరుదండె దీపముల్ దేజరిల్ల
నిజవాహఫణిఫణానిర్యన్మణిద్యుతు
లనఁగ నిచ్చెనపంజు లతిశయిల్ల
నీరార్పితమణి నీరాజనములు నా
నేనికపంజు లెన్నేనిఁ జెలఁగఁ
గీ. బ్రతిమగమి చేతి దీపికల్ బరిఢవిల్లఁ
గొలువుదివిటీల కోటానుకోటు లమరి
వరుస గన్పట్ట నుభయపార్శ్వముల భక్త
దత్తసామ్రాణిధూపముల్ దనరె నపుడు. 74

సర్వలఘు రూపసమసీసము


సీ. నిఖిల సురదనుజ నికరమధిత జల
నిధిభవ ఘుమఘుమ నినద మనఁగ
నభినవ ఘనసమయ సముదయ దశ ని
లసదమిత పెళపెళ రవ మనఁగ
సహరహగమనట దభవకర ధృత ప
రఢమరు ఢమఢమ రణిత మనఁగ
ఖల కనకకసిపుదళన విహరణ నృ
హరి భయద కహకహ రుత మనఁగ
గీ. దతతుహిన మహిధదర తటపదతులిత
గగన సరిదిదుత బహుళ ఘళఘళ మహి
మ యనఁగ దివిభువి నెనయు రయము మెఱయ
రహి వెనుకొని నిజపటహరభటి నిగుడ. 75

శబ్దస్ఫురణము - అపూర్వప్రయోగము


ఉ. వేంకటశైలభర్త తిరువీథుల రా వినిచెన్ దృఢంబుగా
బంకజసంభవాండఘటపంక్తి హటద్దళనోగ్రబాణ యం
త్రాంక ఫెడీల్ ఖణీల్ ఫెళఫెళాదిఢమిండమి డబ్బుడబ్బు ఢా
ఢంకరణ ప్రచండిమ విడంబిక డంభ విజృంభితార్భటుల్. 76