పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/70

ప్రథమాశ్వాసము

63

⁠

భూమిసుతాత్మలోల పరిపూర్ణయశోధనధామ వానర స్తోమముతోడ వచ్చుమిముఁ జూచికృతార్థుల మైతి మెల్లరున్.

⁠ 225

సీ.⁠

చిరకాలమున నుండి శ్రీవేంకటాద్రిపై         దప మొనర్పఁగ నావిధాత వచ్చి రామసౌమిత్రు లీరమ్యవేంకటశైల         మునకు వచ్చెదరు సమ్మోద మలర వారు వచ్చెడుదాఁక వదల కిచ్చట నుండి         వచ్చినప్పుడు మీరు వారి నిచట సంతోష మొదవించి సత్యలోకమునకు         రండు మీరనినకారణముచేత

⁠

తే.⁠

నెదురుచూచుచు నుండి మేమిచట మిమ్ముఁ గాంచితిమి మాతపంబు లిక్కడ ఫలించె నింతయే చాలు సెలవు నిమ్మిపుడు బ్రహ్మ లోకమున కేగెదము దుష్టలోకనాశ.

⁠ 225

మ.⁠

అనినన్ రామనృపాలకుండు పరమాహ్లాదంబుతో వారలం గని యోతాపసవర్యులార! మిము నీకాంతారమధ్యంబునం దొనరం గంటమి సంతసం బొదవె మీరుల్లంబుల న్వేడ్కమై జనుఁడబ్జోద్భవుఁడున్నచోటి కనుచున్ సంప్రీతితోఁ బల్కఁగన్.

⁠ 226

క.⁠

ఆమౌనులు ముద మొందుచు రామునిచే సెలవునంది రయమున నపుడే తామరసోద్భవులోకము రాముని నెంచుచును జనిరి రహి నంద ఱొగిన్.

⁠ 227

వ.⁠

అనంతరము రామచంద్రుండు తత్పర్వతోత్తరమార్గంబున నొకపర్వతారోహణంబు సేయుచుండి తన్మధ్యంబున యక్ష

⁠