పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/244

237

చతుర్థాశ్వాసము

తే.⁠

గొలువుఁ డని పార్షదులకు వైకుంఠపురముఁ బాయకుండుఁడు నిరతంబు పటిమ విడక చెప్పి భూనీళలకు వారి నొప్పగించి మఱల నిట్లని తలఁచె నమ్మాధవుండు.

⁠ 139

వ.⁠

కొంతకాలం బట్లుండిన నయ్యిందరను ముద్వక్షంబునం దుంచు కొందు నని నిశ్చయించి భూనీళలం జూచి బుజ్జగించి రమా దేవిని వెదకి గ్రమ్మఱఁ దోడ్కొనివత్తునని వారితోఁ జెప్పి వైకుంఠంబు విడిచి వేంకటాద్రికి వచ్చె ననఁగ శౌనకాదు లిట్లనిరి.

⁠ 140

క.⁠

శ్రీవనితామణి నరయుచు శ్రీవైకుంఠంబు విడిచి క్షితిపై నుండెన్ శ్రీవేంకటగిరిఁ జేరిన శ్రీవిష్ణుం డచట నేమి సేయుచునుండెన్.

⁠ 141

సీ.⁠

అని మును లడుగంగ నాసూతుఁ డిట్లనె         వినుఁ డాదివిష్ణుండు వేంకటాద్రిఁ జేరి యచ్చటనుండు శ్రీవరాహస్వామి         కిని పుష్కరిణికి దక్షిణముగాను విలసిల్లు తింత్రిణీవృక్షమూలమునందు         మెఱయుచున్నట్టి వల్మీకవిరివి యందుఁ బ్రవేశించి యయుతవత్సరములం         దెవరికిం గన్పింప కెలమిగాను

⁠

తే.⁠

బుట్టలో వెల్గుచుండఁగ భూతలమునఁ దప్ప కిరువదియెనిమిది ద్వాపరాంత మందుఁ గలియుగ ముదయించె నపుడు చోళ రాజు భువి నేలుచుండె ధర్మంబు దనర.

⁠ 142