పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/157

150

శ్రీవేంకటాచలమాహాత్మ్యము

వ.⁠

స్వస్తికాసన, గోముఖాసన, వీరాసన, కూర్మాసన, కుక్కుటాస నోత్తాన కూర్మాసన, ధనురాసన, మత్స్యేంద్రాసన, పశ్చిమస్థా ణ్వాసన, మయూరాసన, సిద్ధాసన, మతాంతరసిద్ధాసన, భద్రా సన, పద్మాసన, మతాంతరపద్మాసన, బద్ధపద్మాసన, సింహాసన, శవాసనంబు లనునీయష్టాదశాసనంబులందు స్వస్తికాసనం బెట్లనఁగ.

⁠ 92

తే.⁠

తరుణి విను జానుజంఘికాంతరములందు బదము లొదికిలిగా నుంచి పదిలపఱచి యున్న నది స్వస్తికాసనం బొప్పు గోము ఖాసనం బెటులన్న పద్మాక్షి వినుము.

⁠ 93

వ.⁠

ఎడమకాలిమడమ కుడివీఁపుప్రక్క కుడికాలిమడమ నెడమ వీఁపుప్రక్కఁగ మోఁకాటిమీఁద మోఁకాలు కదియనుంచి కూర్చున్న గోముఖాసనం బనంబడు. నొకపాదము తొడఁ గ్రింద నొకపాదము తొడమీఁద నునిచి కూర్చున్న నది వీరా సనం బనంబడు. నాధారమునకు నుభయపార్శ్వంబుల రెండు కాళ్లమడమలు కదియ హత్తించి చక్కఁగఁ గూర్చుండ నది కూర్మాసనం బగు. పద్మాసనంబుగ మోఁకాళ్ల మెడలసందులఁ జేతుల దూర్చి హస్తముల నేలనూని పద్మాసనంబు పైకెగసి నట్లుండుట కుక్కుటాసనం బగు. నిట్లు కుక్కటాసనస్థుఁడై యుండి రెండుచేతులును మెడను పట్టుకొని కూర్మమువలె వెలికిలఁ బడియున్న నది కూర్మాసనం బగు. పాదాంగుష్ఠంబుల రెంటిని రెండుచేతుల ధనురాకృతిగ వీఁపువెనుకగఁ జెవులకు సరిగఁ బెట్టియుండుట ధనురాసనం బగు. నెడమతొడ మొదటికుడిపాదము వట్టుకుని పెడమఱలఁబడియున్న, దీని

⁠