శ్రీరస్తు
శ్రీరంగమాహాత్మ్యము
అష్టమాశ్వాసము
శ్రీమదలమేలుమంగా
హైమశలాకోపమాంగ హరినీకాశ
శ్రీమహనీయ మహాబా
హామధ్యవిలాస వేంకటాచలవాసా.
వ. అవధరింపు మిట్లు నాగదంతమహామునికి వ్యాసు లానతిచ్చిన తెఱంగు సూతుండు
శౌనకాదుల నుద్దేశించి.
గీ. ఆత్మజుల వేడిరేని పాయసము చేసి, బిల్వమునకు నైవేద్య మిప్పించి యింతి
కిడిన వెన్నుని బోలిన కొడుకుఁగాంచు, నిటులుజేసిన మరి వంధ్య లెవరు గలరు.
క. షష్ఠివ్రతంబు నట్లన, నిష్ఠాపరులగుచు నాత్మనియమముతోడన్
సౌష్ఠవమతులై స్నానా, నుష్ఠానము లాచరించి నోమఁగవలయున్.
గీ. పూనియరగంట మారేడుమ్రాని మొదట, బిల్వపాటుగ నరుగు గల్పించి శ్రీసు
దర్శనము నావహించి యంతయు ప్రదక్షి, ణముగ దిక్పాలకాయుధోత్తముల కెల్ల.
క. వారల వారలదిక్కుల, వారలతోఁ గూడియుండ వచియించి నితాం
తారక్తగంధసుమన, స్త్రారాధన వస్తువుల క్రియాచతురుండై.
శా. జ్వాలావాప్తిదిగంతరాళుఁ డగు శ్రీచక్రాత్మకస్వామికై
చాలున్ భక్ష్యఫలోపహారములు పూజల్ చేసి వేఱొక్కటన్
మ్రోలన్ మర్త్యులవేడి మ్రుగ్గులిడి తూముల్ రెంటిబియ్యంపువుం
జాలంబుట్టి యమర్చి యాపయిదిలన్ సంపూర్ణభావంబునన్.
