పుట:శ్రీమత్త్రికూటాచల మాహాత్మ్యము.pdf/33

వికీసోర్స్ నుండి
Jump to navigation Jump to search
ఈ పుట ఆమోదించబడ్డది




క వి వం శా వ ళి


ఏ మౌనిప్రవరుం డనంత నిగమధ్యేయాత్మవిద్యాతపః
సామర్థ్యంబున నీ ప్రపంచము సృజించన్ బెంచ మాయించ ను
ద్దామ ప్రక్రియ మించు బ్రహ్మహరిరుద్రాఖ్యాత పుత్త్రత్రయం
బామోదంబునఁ గన్నమేటి దగ నయ్యత్రిం బ్రశంసించెద. 14

తదాత్రేయ పవిత్ర గోత్రంబున 15

ఏ మంత్రి యలరారె నామంత్రి తారాతి
         ఘనరమా సౌభాగ్య కలన వలన
నే ధన్యుఁ డీరవొందె ప్రాధాన్య సద్గుణ
         వ్రాతాభిరామ ధర్మములవలన
నే శౌరి విలసిల్లె నీశోరు పదపద్మ
         పూజావిధాన విస్ఫూర్తివలన
నే మహామహుఁ డొప్పె భూమిపాలకదత్త
         లసదనేకాగ్రహారములవలన

నతఁడు నతజనపోషుఁ డంచిత విశేషుఁ
డతులితాకారుఁ డాశ్రిత హితవిచారుఁ
డలఘుచరితుండు సత్యదయావ్రతుండు
కులపయోధికి రేరాజు కొప్పరాజు. 16

అలఘుతరాస్మదీయ బహుళాన్వయ మెవ్వని పేర నొప్పె న
బ్బలవదరాతి గంధగజ భంజన సింహుఁ డసహ్య విక్రమం
బలవడ కొప్పరాజు విశదాద్భుతతేజుఁ దనూజుఁ గాంచె న
ద్విలసిత నీతికోవిద విధేయుని వీరయనామధేయునిన్.17