ఈ పుట ఆమోదించబడ్డది
ద్వితీయాశ్వాసము
73
విద్యున్మాల
కోటీశానా దేవాధీశా
జూటప్రాంత స్థేందూత్తంసా
పాటీరాచ్ఛాంభోజాకారా
సూటి న్నిన్నే నే నేవింతున్. 145.
భుజంగ శిశురుతము
సురవర నుత చరిత్రా
కరి దనుజ మదహారీ
పురదితిజహర కోటీ
శ్వర భవ భయ విదూరా : 146
పణవము
కోటీశా నుతగుణవిశ్వేశా
కూటాగ్రాంచిత గురుసద్గేహా
జూటాగ్రాశ్రిత సుమ చంద్రార్ధా
సూటిం గొల్చెద శుభ చారిత్రా !147
దోదకము
పూని సుభక్తినిఁ బూర్ణుని కోటీ
శానునిఁ గొల్చెద సర్వసుపర్వా
నూన పదాధిక నూత్నవిభూతి
జ్ఞాన సుఖప్రదు సద్గురుమూర్తిన్ .148
ఇంద్రవంశము
దేవేశుఁ గోటీశ్వరు దీనవల్లభున్
భావానుకూలస్థితిభావితాకృతిన్
భావోద్భవధ్వంసన ఫాలలోచనున్
భావించి సేవించెద భక్తపోషణున్ .149