63
శృంగారశాకుంతలము
సీ. తేటిమొత్తమునేపుఁ దూఁటు బుచ్చఁగనోపు
కమనీయనీలాలకములు చూచి
చిగురుటాకుల డాలుఁ జిన్నఁబుచ్చఁగఁజాలు
సాంద్రంపు కెంపుహస్తములు చూచి
కరికుంభముల క్రొవ్వుఁ గాకుసేయఁగ నవ్వు
దోరంపు నెరిచన్నుదోయిఁ జూచి
చంద్రబింబము పెంపు సవతుగా దనిపించు
మొలకనవ్వులముద్దుమోముఁ జూచి
తే, రసము లుట్టెడు బింబాధరంబుఁ జూచి
పసిఁడిపొడి రాలు కక్షవైభవము జూచి
కమలముల నేలు పాదపద్మములు చూచి
మునికిఁ జక్కిలిగింతలు గొనె మనంబు.మూస:Float right140
శా. ఆతన్వంగిపయిం బ్రియం బొదవి విశ్వామిత్రుఁ డీక్షించుచుం
జేతఃపద్మమునందు నున్న శివునిం జేమోడ్చి ప్రార్థించి తా
నాతారాద్రికిఁ బంపి యచ్చట లతాంతావాససీమ న్మనో
జాతుం బ్రీతుని జేసె దేవగణికాసంభోగసౌఖ్యంబులన్.141
క. మేనకయుఁ, దాను హిమగిరి
తానకముగ జపముఁ, దపముఁ దనమదిలోనం
బూనక, యొకనాఁడైనను
మానక సుఖియించుచుండె మన్మథకేళిన్.142
సీ. ప్రసవకార్ముకుఁ డను పాపకర్మునిచేత,
సూనాస్త్రుఁ డనెడు దుర్మానిచేత,
నంబుచరధ్వజుం డను కిరాతునిచేత,
మన్మథుం డను నసన్మార్గుచేత,
శంబరాంతకుఁ డను జాల్మచిత్తునిచేతఁ,
గందర్పుఁ డను పలుగాకిచేత,