పుట:శృంగారనైషధము (1951).pdf/75

58

శృంగారనైషధము

తే.⁠

కమలనేత్రత కవస్థానవిముఖ మైన చంచలత్వంబు మదిఁ బ్రకాశించుచుండె బాల యాలీల యభ్యసింపంగఁ బోలు రమణదూతపతంగశక్రంబుతోడ.

⁠ 111

ఉ.⁠

బాలిక చెక్కుటద్దములపజ్జలఁ గోమలమందహాసరే ఖాలవ మంకురింపదు వికాసము చాలదు నెమ్మనంబునన్ వాలిక మించుఁ గన్గొనలవాకిట నల్లన సంచరింపనుం జాలక చాల గుంటువడెఁ జారునిరీక్షణఖంజరీటముల్.

⁠ 112

సీ.⁠

అతివ సమ్ముఖవస్తు వగువస్తువును గాన         దాత్మ యంతర్ముఖం బౌటఁ జేసి చెలువ క్రొమ్మించు లేఁజెక్కుటద్దం బొయ్య         బాణిపల్లవశయ్యఁ బవ్వళించెఁ గోమలినిట్టూర్పుక్రొవ్వేఁడి నెత్తావి         మొకరితేంట్లును మూతిముట్ట వెఱచెఁ దరుణిలోచనబాష్పధారాలవంబులు         ముత్యాలసరులతో ముద్దుగురిసెఁ

⁠

తే.⁠

జామ శరకాండపాండిమచ్ఛాయ నొందె బోటిమది కింపు గాదయ్యె నాటపాట మృగవిలోచన కంతంత మేను డస్సె నంతకంతకు సంతాప మతిశయిల్లె.

⁠ 113

చ.⁠

ఉదితమనోనురాగదహనోష్ణభరంబున నాలతాంగికిన్ హృదయమునందు జొబ్బిలి వహించినచందనకర్దమంబు బు ద్భుదముల నీనెఁ గల్పితవిభూషణజాలమృణాళవల్లరీ వదనములం దమందగతి వారక పిచ్చిలఁ జొచ్చె ఫేనముల్.

⁠ 114