పుట:శృంగారనైషధము (1951).pdf/76

ద్వితీయాశ్వాసము

59

మ.⁠

దశ లంతంతకు నెక్కఁగా విరహసంతాపాతిరేకంబునన్ శశిబింబాననకుం దమస్వనకుఁ గార్శ్యం బొందె దేహం బహ ర్నిశమున్ సాంద్రనిరంతరస్మృతిసమున్మేషంబునం గాంతకుం దశదిగ్భిత్తులయందుఁ గానఁబడియెం దద్రూపచిత్రావళుల్.

⁠ 115

తే.⁠

చెలులు శిశిరోపచారముల్ సేయుపొంటెఁ బ్రోవులిడ్డమృణాళకర్పూరవితతిఁ గాంచి వైదర్భి మదిలోనఁ గళవళించె జాలకాయాతచంద్రికాజాల మనుచు.

⁠ 116

క.⁠

బిసపన్నగభూషణయును బ్రసవరజోభూతిమతియు బాండిమలక్ష్మి వసతియు నై చూపెను సతి యసమాయుధునకుఁ బినాకియాటోపంబున్.

⁠ 117

తే.⁠

మన్మథానలతాపంబు మాన్ప వేఁడి డెందమునఁ జేర్పఁబూనిన కెందలిరులు వెలఁది నిట్టూర్పుఁగాడ్పుల వెచ్చదాలి బెరసి యరత్రోవయంద మర్మరము లయ్యె.

⁠ 118

సీ.⁠

చిగురుఁదామరపాకు జివ్వంచుఁ జనుదోయి         మొదలు క్రొవ్వేడిని ముణుఁగఁబాఱెఁ! దరుణరంభాగర్భదళతాళవృంతంబు         పైగాలివెక్కన పలుకఁబాఱె లలితముక్తాహారగుళికాకలాపంబు         ఘ్రాణానిలంబునఁ గందఁబాఱెఁ గర్ణపూరకలాపకల్హారదళరాజి         యశ్రుధారల నురియంగ బాఱె

⁠