పుట:శృంగారనైషధము (1951).pdf/257

240

శృంగారనైషధము

⁠

కీర్తి యిటు వెల్గు నండ్రు దాక్షిణ్య ముఱరు దారు గల్గినఁ బదివేలు దమకుఁ గలవు.

⁠ 81

తే.⁠

శాంతమతిఁ గాముకత మాని సప్తతంతు దీక్ష గైకొన్నవారలతెఱుఁగు లెస్స స్వర్గమున కేఁగి రంభాదివారసతుల కుచభరంబులపై వ్రాలఁ గోర రేని.

⁠ 82

తే.⁠

ఆహవంబున మృతు లైనయట్టివీరు లమరలోకంబునకుఁ బోదు రనుట గల్ల నిజమయేని దైత్యారిచే నిహతిఁ బొంది యతనితో విగ్రహింపరే యసురు లచట?

⁠ 83

క.⁠

అక్షచరణుండు చెప్పిన మోక్షములు శిలాస్వరూపములు వీనికిఁగాఁ బ్రేక్షావంతులు దచ్ఛా స్త్రాక్షరములు చదువ నేల యతిబాలిశులై?

⁠ 84

ఆ.⁠

దైన్యమునకుఁ ద్రోవ దలఁప నస్తైన్యంబు గుక్షివంచనంబు గడు పుడుగుట బుద్ధి యైనయట్ల భోగింప నేర్చుట సార మైనబోధిసత్త్వమతము.

⁠ 85

తే.⁠

క్రోధనులు దారు పరుల కక్రోధశిక్ష సేయుచుందురు కపటవసిష్ఠమునులు తారు నిర్ధనులై యుండి ధాతువాద మొకరికిం జెప్పువిప్రలంభకులు వోలె.

⁠ 86

తే.⁠

కలవు విధ్యర్థమంత్రభాగములు మూఁడు శ్రుతుల నామూఁటియందు మీమతికి నెక్క

⁠