పుట:శృంగారనైషధము (1951).pdf/130

చతుర్థాశ్వాసము

113

సీ.⁠

ప్రణతమౌళిమణిప్రభానికాయంబుతోఁ         బానీయమున నర్ఘ్యపాద్య మీగి యత్యంతమధురవాక్యప్రపంచములతో         శర్కరాదులమధుపర్క మీగి ప్రవిమలం బైనసద్భావవైభవముతోఁ         బృథులకాంచనరత్నపీఠ మీగి పరమసేవావిధావిరచితాంజలితోడఁ         బ్రముదితం బగుమనఃపద్మ మీగి

⁠

తే.⁠

యాతిథేయుల కభినవాయాతుఁ డైన యతిథి తనయింటి కేతెంచునపుడు సేయు సత్క్రియాచారవిధికలాసరణి యండ్రు ధర్మశాస్త్రోపనిషదర్థధర్మవిదులు.

⁠ 5

తే.⁠

అనఘ! యిదె హేమరత్నసింహాసనంబు ఇచ్చగలదేనిఁ గూర్చుండు మిందు వచ్చి కాక కార్యాంతరాసక్తికారణముగ నేఁగఁదలఁచినవాడవో యెచటికైన?

⁠ 6

తే.⁠

నవశిరీషసుమంబులనవకమునకు నన్నదమ్ములు వోని నీయడుగుఁదమ్ము లెంతదూరంబు నడపింప నిచ్చగించె నొక్కొ నిర్దయ మైననీయుల్ల మిపుడు?

⁠ 7

సీ.⁠

ఏదేశమున నుండి యెచ్చోటి కేఁగెదు?         సంకేత మెయ్యది సంజ్ఞ నీకు? రక్షాధికృతజనవ్రాతపాలిత మైన         శుద్ధాంత మెబ్భంగిఁ జొచ్చి తిపుడు?

⁠