పుట:శృంగారనైషధము (1951).pdf/118

తృతీయాశ్వాసము

101

చ.⁠

కలువలనుం జకోరములఁ గారుమెఱుంగుల గండుమీల వె న్నెలలను దమ్మిరేకులను నిర్మలమౌక్తికరత్నశుక్తులం దలఁచి పయోజగర్భుఁడు సుధారసధారలు రెంటిలో విసం బులుఁ జిలికించి చేసెనొకొ పొల్పెసలారఁగ దీనినేత్రముల్!

⁠ 166

తే.⁠

శ్రవణపుటకూపవినిపాతసాధ్వసమున నిగిడి యవ్వలి కటు పోక నిల్చెఁగాక యధికచపలస్వభావంబు లైనయట్టి దీనికన్నులు దలచుట్టుఁ దిరిగి రావె?

⁠ 167

క.⁠

కేదారములో శిశిర ప్రాదుర్భావమునఁ జచ్చి పడసినయురుపు ణ్యోదయమున నొకొ యీశా తోదరికిం గన్ను లగుచు నున్నవి దమ్ముల్.

⁠ 168

తే.⁠

త్రిభువనవ్యస్తసాయకత్రితయుఁ డైన మరునితిలపుష్పతూణ మీమగువముక్కు మానితశ్వాసనవసౌరభానుమేయ పుష్పమయబాణయుగళాభిపూర్ణ మగుట.

⁠ 169

సీ.⁠

నిబిడశైశవయౌవనీయసంధ్యావేళ         యాననచంద్రబింబామృతంబు లపనామృతాంశుబాలప్రభాజాలంబు         బంధుజీవలతాంతబాంధవంబు పరిపక్వబింబికాఫలవిడంబనముద్ర         విద్రుమద్రుమలతావినియమంబు మదననారాచకోమలహైంగుళచ్ఛాయ         యస్మన్మనోనురాగాంకురంబు

⁠