పుట:శృంగారనైషధము (1951).pdf/119

102

శృంగారనైషధము

తే.⁠

మహితలావణ్యగుణజాయమానబహుళ మాధురీచిత్రశోభాసమన్వితంబు ప్రార్థనాకల్పపాదపప్రాజ్యఫలము తియ్యపూఁదేనియలగ్రోవి దీనిమోవి.

⁠ 170

ఉ.⁠

భాసురమధ్యరేఖ కిరుపక్కియలందును మోవి కించిదు చ్ఛ్వాసము నొందియున్న యది చంద్రనిభాస్యకు నే నొకప్డు ని ద్రాసమయంబులం గలలరాకల నీకలకంఠిఁ గూడి వ క్త్రాసవ మాని యాని దశనాంకుర మొత్తఁ గదా రసోద్ధతిన్.

⁠ 171

ఉ.⁠

[1]ఈ గజరాజగామిని మదేతదయోగభరప్రభూతిమూ ర్భాగతఖేదరాత్రిసమయావధిభూతవిభాతసంధ్య కా లాగరుచిత్రకాంధతమసాంశసమన్విత జంభవైరికా ష్ఠాగతరాగకర్త్రి ప్రకటద్విజసేవిత యౌట చిత్రమే!

⁠ 172

ఉ.⁠

ఈయెలదీఁగఁబోణి కృపయేర్పడఁగాఁ దనలేఁతనవ్వుతో వేయవ పా లపాంగముల వెంటఁ బ్రసాదము చేసిన న్నిశా నాయకుఁ డెంతయం బ్రియమునం గయికోఁడొక నాల్గుదిక్కులం బ్రాయపుచంద్రిక ల్వడసి పాఱఁగ వైచుచు నప్పదార్థమున్.

⁠ 173

తే.⁠

దాడిమీపక్వఫలబీజతతుల గెలిచి దంతకురువిందపంక్తి యీతరుణి కమరు సాంధ్యశీతాంశుమండలస్యందమాన నవసుధారసబిందుబృందంబువోలె.

⁠ 174

1. ఈ పద్యము పూర్వముద్రితపుస్తకములలో లేదు. వ్రాతపుస్తకములో దొరికినది.