పుట:శృంగారనైషధము (1951).pdf/102

తృతీయాశ్వాసము

85

⁠

భువనైకమోహనాద్భుతశంబరారాతి         శాంబరీలీలావిడంబముననొ!

⁠

తే.⁠

వివిధసంకల్పకల్పనావేశముననొ! కన్నెక్రొక్కాఱు మెఱుఁగుదీఁగెయునుబోలె బొలిచి యప్పుడ యడఁగు పూఁబోణిమూర్తి నక్కుమారుండు నలుదిక్కులందుఁ గాంచు.

⁠ 88

ఉ.⁠

సోరణగండ్లమార్గమునఁ జొచ్చినసన్ననిగాలి యొక్కయం భోరుహపత్రనేత్ర నునుఁబొంకపుఁజన్నులమీఁదిసన్నపుం జీరచెఱంగు వాయగిలఁ విశ్వధరాతలేశ్వరుం డోర యొనర్చెఁ బాపభయ మొంది నిజాననచంద్రబింబమున్.

⁠ 89

తే.*⁠

ఇరులు గెలిచినయంతఃపురేందుముఖుల కురులు మరుఁ డనువేఁటకాఁ డురులు సేసి మరులు గొలుపంగ లేఁడయ్యె మనుజవిభుని సరులు లేనిదృక్ఖంజనశాబకముల.

⁠ 90

ఉ.⁠

కష్టపుఁబ్రత్యవాయ మిదిగల్గుచు నున్నది మీలనక్రియా స్పష్టవిలోకనంబుల, నపాంగపుఁజూ పనురాగవిక్రియా పుష్టికరం, బబాహ్యగృహభూమిఁ బ్రచారముసేయుచోట నా దృష్టికి మార్గ మొండుగలదే? యని చింత వహించె రా జెదన్.

⁠ 91

తే.⁠

రాజశుద్ధాంతభామినీరత్నరాజి దీము గావించి వలరా జధీశు నేసె నతనితాల్మికి నది పూజ యయ్యె నట్ల యతనితూపులు పుష్పంబులౌనొ కావొ?

⁠ 92

ఉ.⁠

చీటికీమాటి కేకపథసీమ మెలంగఁగఁ బాటి గామి శృం గాటకవీథి కేఁగెఁ బతికాంతలసందడికల్కి యైన న

⁠