చతుర్థాశ్వాసము 457
నీకు నలకూబరునితోడ నిర్జరేంద్ర
పురి ననుభవించునట్లుగ నెఱి నమర్తు. 320
ఉ. కావున నీమనంబునకుఁ గాక వహించఁగ నేల పొమ్ము ధా
త్రీవలయమునం దవతరింపు మటంచు వచించునంత నాఁ
డీవరవైశ్యవంశమున నేపుదలీిర్ప జనించినావు రం
భా వనజాక్షి వీవ మితభాగ్యశుభోన్నతివో ప్రభావతీ. 321
క. అనిపల్క జగచ్ఛక్షుం
డనువీరనృసింహుఁ డుగ్రుఁడై తిమిరమహా
దనుజేంద్రు నేపడంచుట
గని కాంత నిజాంతిపురము గదిసె నరేంద్రా! 322
గీ. అలప్రభావతి మఱునాఁ డహఃపయోధి
నానృపాలుని నవమోహనాంగసంగ
మైకవాంఛాపదము నొయ్యన తనించి
మించి కురుమాపు నెఱసంజ మెఱయునంత. 323
చ. చిలకలకొల్కి మేన గయిసేసి నృపాలునిచెంతఁ జేరగాఁ
దలచి శుకాధినాథునరుతన్ వెసనిల్చినమాత్రశూన్యది
క్తలమున గౌళి నిల్వబలుకన్ విని సంశయమంది కుందుచో
చిలికెడుప్రేమ నిట్టులను చిల్క సుధారసధార లొల్కగన్. 324
నలువదిరెండవకథ
గీ. దుష్టశకునము విననయ్యె తోడ నేమి
యనుభవించంగవలయునో యని తలంచి
మిగుల దిగులొంద నేటితో మీననయన!
యదియె మంచిదటంచు నీమది గణింపు. 325