456 శుకసప్తతి
కరలక్షణప్రయోగరమణచాతురి
యభినుతింపఁగ, శేషుఁడైనఁగలఁడె
కలికికన్నులకటాక్షంబు లంభోజాత
శరుఁడైన మరలింప చాయఁగలఁడె
గీ. ఔరయని చూచువారెల్ల యభినయింప
కలికివాల్ జూపులను శిరఃకంపనముల
యొరపుటెలనవ్వు ముద్దు మైసిరి బెడంగు
మించ నటించుటయు న వ్విరించి గాంచి. 316
గీ. మెచ్చితి వరంబు వేఁడు మో మచ్చకంటి
యనుచు వచియించువేళ నీయనుగుచెలి యొ
కర్తె నలకూబరుఁడు ధాత్రి గదియువార్త
విన్నవించిన మదిలోనఁ జిన్నఁబోయి. 317
చ. కడు బెగడొంది సోగతెలిగన్నుల గుల్కెడు నీరు గ్రుక్కు
చున్, సిడిముడుపాటుతో నలకుశేశయగర్భపదాంబుజద్వ
యం, బిడి కడతేర నీవిరహభారభరం బిక మద్భుజంగు నె
న్నడు గనుగొందు నొక్కొ కరుణామతి నానతి యిమ్ము నావుడున్. 318
ఉ. నీనయమార్గవైఖరికి నే మది మెచ్చితి నీలవేణిరో
నీనలకూబరుండు ధరణీస్థలికిన్ శివునాజ్ఞ నేఁగుటన్
పూని త్వదీయమోహపరిపూర్ణమతిన్ వెతనొందియున్న ని
న్నా నవమోహనాంగు నెనయన్ సమకూర్చెద నమ్ము నెమ్మదిన్. 319
గీ. అల్ల హరునాజ్ఞ దప్పింప నలవిగాదు
కాకయుండిన నేమి భూలోకముననె
