ఈ పుట అచ్చుదిద్దబడ్డది
చతుర్థాశ్వాసము 455
సోమయాజులు బహుస్తుతులు చేయుచు ప్రేమ
బొదలని ముంగిట నొదిగియుండ
సన్యాసు లతనుజర్జరితసర్వాంగులై
యలర నీపాదంబు లాశ్రంయింప
గీ. అందఱికి నన్నిరూపంబు లగుచుఁ జెలఁగి
భువనమోహనశృంగారభవనమైన
నీమహిమ నీ వెఱుంగక నేఁటి కిట్టు
లొక్కనృపమాత్రునకుఁ జిక్కి యుండఁదగునె. 312
క. అని పల్క నద్భుతంబుగ
విని సురలోకముననుండి వెస నే నిచటన్
జనియింప నేమిగారణ
మనుడు ప్రభావతికి యల శుకాగ్రణి యనియెన్. 313
క. నలకూబరుండు హాలా
హలకంధరు నాజ్ఞ నిచటి కరిగెడునాఁ డో
లలనా! నీవు పితామహు
కొలువునకుం జత యమర్చికొనియెద వచటన్. 314
గీ. అమ్మహాప్రభుఁ బొడగాంచి "యజ్ఞభవ! పు
రాణపురుష! సరస్వతీప్రాణనాథ!
సకలజంతువినిర్మాణచతురహృదయ!"
యనుచు కైవార మొనరించి యాతురంబ. 315
సీ. కాశ ధరించి రంగస్థలంబున నిల్చు
చెలువ మాయజుఁడైన తలపఁగలఁడె
సభ విస్మయమునొంద యభినయము ఘటించు
మెలకువ గురుఁడైన మెచ్చఁగలఁడె
