గంకణంబుల ఝణత్కార మెసఁగ నొకకొంతప్రొద్దు వల్లకి నఖాగ్రంబుల బహురాగముల నేర్పుఁ [1]బ్రస్తరించు నొకకొంతప్రొద్దు [2]కొండికజవంబు లొనర్చు పరిహాసగోష్ఠికిఁ బల్లవించు నొకకొంతప్రొద్దు లోకకథాప్రహేళికా- బిందుమత్యాదులఁ బిచ్చలించుఁ
గొంతప్రొద్దు వినోదించుఁ [3]గొఱతలయిన తోడివేడుకకాండ్రతో మేడమీఁద విమలచంద్రోదయారంభవేళయందు [4]బిల్లదీవాటలను మల్లు[5]పెనఁగుటలను.
ఇవ్విధంబునఁ దృష్ణావిషవల్లి [6]కాలవాలంబును, నింద్రియగుణంబులకు శరణంబును, మోహ[7]నిద్రకు విభ్రమశయనంబును, శాస్త్రదృష్టికి దిమిరోద్గమంబును, దోషాశీవిషంబులకు [8]నావాసవల్మీకంబును, *(సుగుణకలహంసంబులకుఁ బ్రావృట్కాలంబును,) గపటనాటకంబునకుఁ [9]బ్రస్తావనయు, ధర్మేందుమండలంబునకు రాహువక్త్రంబునునైన యౌవనారంభంబున.
ఆజానుదీర్ఘబాహార్గళస్తంభుండు కోమలాళివినీలకుంతలుండు కర్ణాంతవిశ్రాంతకమలాయతాక్షుండు పరిఫుల్లచంపక [10]ప్రసవనసుఁడు బహుళాష్టమీశశిప్రతిమఫాలతలుండు కంబుసన్నిభచారుకంధరుండు పరిపక్వబింబికా[11]ఫలపాటలోష్ఠుండు గంధవారణకుంభ[12]కఠినభుజుఁడు
సచివతనయుండు కుపితధూర్జటిలలాట- చక్షురనలార్చి రుద్గమసంప్రభూత విస్ఫులింగచ్ఛటా[13]ఘటావేష్టనమునఁ బసిమి దప్పని వలరాజు పగిది నొప్పె.
[14]చరిగొన్న వెలిపట్టు జన్నిదంబులతోడ [15]రత్నాలతారహారము ధరించి వలిపనీర్కావిదోవతిపైఁ బదార్వన్నె [16]కళయైన పసిఁడిమేఖల [17]ఘటించి