పుట:శివతత్వసారము.pdf/120

క.⁠

ఏమని చెప్పుదు శంకర ! నీ మహిమాడంబరంబు నిఖిలాజాండ స్తోమములు బ్రకృతి నీ యి చ్ఛామాత్రనె పుట్టునటె యసంఖ్యాతములై.

⁠ 92

క.⁠

త్రిమలములును రాగద్వే షములును [జన్మంబు] గర్మసంస్కారంబుల్ గమనాగమకాదులు నను సమస్తమును లేవు నీకుఁ జంద్రాభరణా!

⁠ 93

క.⁠

పతి సదృశాదిక తాప త్రితయ గుణత్రితయ జన్మ మృతి సుఖదుఃఖ క్షతవృత బంధ[న]మోక్ష స్తుతి నించాదులును లేవు ధూర్జటి! నీకున్.

⁠ 94

క.⁠

ఓలిన దేవ! యవిద్యా కాలకళానియతి వికృతి కార్యా కార్యాం భీలాబాంధవ బాంధవ మాలాబంధములు లేవు మఱి నీకు శివా!

⁠ 95

క.⁠

అంచితమతి నెవ్వరు ని ర్మించిరె గుంచిత సురలు [1]నివృత్త్యాదికళా పంచకసంచితమైన ప్ర పంచము నీ యట్ల రుద్ర! పరమానందా?

⁠ 96

1. నివృత్యాదికళాపంచకము — నివృత్తి, ప్రతిష్టు, విద్య, శాంతి, శాంత్యతీతము అనునవి శైవుల కళాపంచకము.