పుట:శివతత్వసారము.pdf/116

క.⁠

శ్రీనాథవంద్య! కర్తృవి హీనంబై యున్న కార్య మెందును గలదే కాన జగత్కార్యమునకు గాన ప్రియ! నీవ యాదికర్తవు రుద్రా!

⁠ 71

క.⁠

కర్మ మచిత్తని కర్తయుఁ గర్మాధీనుఁ డని విడిచి కర్మల మొదలం గర్మఫలదాయి నిన్ను న కర్మాధీనస్వతంత్రుఁ గని కొలుతు శివా!

⁠ 72

క.⁠

శ్రుతిబాహ్యంబులు గావున సతతంబును జైన బౌద్ధ చార్వాకుల దు ర్మతములు వట్టక పట్టితి శ్రుతి సార భవన్మతంబు సుమతి మహేశా!

⁠ 73

క.⁠

కమలజ కమలోదర రు ద్ర మహేశ్వర శాంత్యతీత తత్త్వాధిపతి ప్రముఖోర్ధ్వబిందునాద క్రమతత్త్వా! నిన్ను [నెట్లు] గని కొల్తు శివా!

⁠ 74

క.⁠

నె(ఱ)సిన గురుప్రసాదము వ(ఱ)లఁగ జగదేక సకలవల్లభు డాదిం గ(ఱ)కంఠుఁడ వేల్పని ని న్నె(ఱి)గితి నీ మహిమ యెఱుఁగ నేమియు రుద్రా!

⁠ 75

క.⁠

అండంబులు గావింపను వెండిఁ బ్రతిష్ఠింపఁ జె(ఱు)ప విష్ణ్వాదులు ను

⁠